Makkedai torioloe: Aja' mumelo nacacca ade', aja'to mumaelo natunai bicara, aja'to muwedding nauja' rapang, aja'to muwedding naecawa-cawai wari'.Atutuiwi ro gau'e eppa'e uwangenna. iyamuto ritu eppa'e riaseng sung baruga. pakkulleiwi tudangiwi sunna barugae, mu'ceddi muwa, apaggi nakko mutadangi manengngi. seuwani riaseng sung baruga, aja mumaelo rita wiring ritengngana taue, maduanna missengnge pinru' ada masitinaja, bali ada nabalinna adae nabaliyangngi, matellunna sompungi ada, naompunna adae nasompungiangngi, maeppana tenrita alongkorengnge riaworowanengennge, mau' tania menna towarani, apa' iyatu nalejja'i padammu orowane natemmuleisa, naecawa-cawainotu taue, apaggisa nakko warani tongenno sokku'ni decenna. narekko de' mutudangiwi sunna barugae seddi, naecawa-cawainotu wari', enrengnge ade', nauja'no rapang, natunaiono bicara.-